Dear Friends of the list in a few days is Easter and there was in the Backa and Banat in different traditions to celebrate this festival. In Sekitsch there was the custom of "Together Trages". A funny story on Swabian dialect I send you. Maybe someone can translate the language still speaks into English. It´s really fun. I wish happy eastern for all of you. Brigitte Wolf, Greetings from Berlin, Germany "An Oschtre simmer als Kinn immer zu unsre Phatte un Goode zammetraa gang. Wammer Glick g`hat hat, no ware et Leit bei de Kindtäf net geizich un han far e ganze Stall voll Goode un Phatte g`sarricht. Sowas hat sich no später beim Zammetraa ausgezahlt. Ich selwer war in dere Beziehung zimmlich gut dran. Zwelf Plätz han ich jedesmol angehn gedärft, wann`s soweit war un wammer bedenkt, daß de Phatte un Goode iwwer`s ganz Dorf vezottelt ware, wird mer wisse, daß ich immer de ganze Taa zu tun g`hat han. Mei letschter Platz war immer et Großmodder, awwer net, weil se mei Good war, sondern nerre, weil se mer halt a immer was schenke gewellt hat. Ich war sellomol sechs Johr alt, wie`s an Oschtre widder mol Zammetraa g`heeßt hat. An Oschtre war`s bei uns schun immer richtich grien in de Natur, es Gras war schun arichhoch gewachst un mir han`s schun gut far em Oschterhaas sei Nescht roppe kenne. Warum mer mei Großmodder grad an denne Oschtre e Schlitte g`schenkt hat, weeß ich heit nimmi. Ich menn awwer, daß se g`saat hätt, daß de Waanersphatt ne net frieher fertich griet hätt. Ich mißt halt lie, wann ich saa tät, daß mei Iwwerraschung domols greeßer war as wie mei Freed. Un was ich mol g`hat han, des han ich a nimmi stehn geloßt.Obwohl weit un breet ke Schnee zu siehn war, han ich mei Zammetraakerwel uf de Schlitte g`stellt, han et Schnur in`d Hand genumm un sin hemmezus gezoo. Alles gute Zuredde von de Großmodder, ich soll de Schlitte doch stehn losse, bis er mit em Waa gebrung wird, hat nix genutzt. Ich weeß heit nerre noch, daß ich mich uf demm truckene Bodde vun den Haapgaß bis in`d Spitz merterlich anstrenge gemißt han, weil der Schlitte net ritsche gewellt hat. Un noch etwas weeß ich ganz sicher, daß nämlich niemols e Kind beim Zammetraa meh Zuschauer g`hat hat wie ich an selle Oschtre. By my friend Philipp Sandles -- [email protected] Ortsgeschichte und Familien von Sekitsch / Village history and families from Sekitsch: http://www.sekitsch.de